實質上你係以個人名義申請一個 "商業登記"
無限公司 只係一個 普遍叫法，主要針對佢 "無限責任" 風險嘅特質，實質上你係以個人名義申請一個 "商業登記"，而由於登記證的發出機構為 稅局轄下嘅 商業登記處 ，可想然之，商業登記證嘅主要作用係為咗報稅，其本身並沒有任何 "公司" 相關嘅功能 (如：獨立法律地位，受公司法所保障，以及有限責任風險控制管理的優勢等等)。
咁「有限公司」同「無限公司」實際分別喺邊度？呢篇文一次過講清楚。
最核心嘅分別：責任
呢個係兩者最大分別。無限公司冇獨立法律地位，即係話公司同你本人係同一個法律主體 —— 生意蝕錢、俾人告，債主可以追討你嘅個人資產，例如物業、存款、投資等等，冇任何屏障保護。有限公司就唔同，股東嘅責任只限於出資額，公司同股東個人財產係分開嘅。
開公司同每年維持嘅成本
無限公司平好多：成立費用大約HK$2,950起，每年維持成本（主要係商業登記續證）大約HK$2,350。有限公司成立費用大約HK$4,795起，每年維持成本（公司秘書、商業登記、周年申報表）大約HK$3,555。兩者如果需要租用註冊地址，都要另加每年HK$1,150（九龍灣）或HK$1,350（尖沙咀）。
交稅稅率其實無限公司仲平啲
好多人以為有限公司先至有優惠稅率，其實無限公司嘅利得稅稅率仲低過有限公司：首200萬利潤，無限公司7.5%，有限公司8.25%；超過200萬部分，無限公司15%，有限公司16.5%。
銀行開戶：無限公司最大嘅麻煩位
呢一點好多人開公司前都無諗過：大部分銀行根本唔會幫無限公司開戶口。 呢個唔係「等耐啲」嘅問題，而係好多情況下根本開唔到。如果你嘅生意需要收發款項頻密，或者要同銀行打交道，呢一點要諗清楚先好註冊。
核數同公司秘書
有限公司每年必須做核數，亦都必須有公司秘書 —— 依家HK$1,100一年，包埋重要控制人登記冊維護。無限公司完全唔使核數，亦都唔使請公司秘書，慳返呢兩筆錢，但都要留意，唔使核數唔代表唔使報稅、唔使keep好啲會計記錄，呢啲責任兩者都一樣要做。
其實我做小生意都無咩風險...
一般來說，無錯的。但其實...
一般做網店等小生意的確不是經常發生面對法律訴訟等的問題。
但其實大部份政府補助或其他資助，無限公司是不能夠申請的，又或者批核資助額都不會太多。就例如菜市場的菜檔豬肉檔大部份都是無限公司。菜市場面臨的風險很多時候搭條蔥是可以解決的 —— 但唔係每盤生意都係咁。
諗住而家開無限公司，遲啲先轉做有限公司？
要留意：香港公司條例並無提供無限公司轉做有限公司嘅機制。 想轉，就要先註銷（大概1-2個月），再重新註冊一間新嘅有限公司，成本大約HK$5,000-8,000，仲會失去原本嘅註冊日期，同埋可能影響銀行關係同合約嘅連續性。如果你估計一兩年內都有機會需要轉做有限公司，一開始就直接開有限公司，可能比慳返嗰HK$1,845啟動成本更划算。
揀邊種好？
冇一個答案岩晒所有人 —— 責任風險、資金需要、銀行戶口要求、私隱考慮，呢啲都會影響邊種結構岩你。想睇齊晒兩者嘅完整比較，可以參閱 有限公司 vs 無限公司完整比較。準備好註冊，可以直接睇 Chinglink 無限公司註冊服務。
關注我們 @chinglink.hk 讓你低成本創業
