实质上你系以个人名义申请一个 "商业登记"
无限公司 只系一个 普遍叫法，主要针对佢 "无限责任" 风险嘅特质，实质上你系以个人名义申请一个 "商业登记"，而由于登记证的发出机构为 税局辖下嘅 商业登记处 ，可想然之，商业登记证嘅主要作用系为咗报税，其本身并没有任何 "公司" 相关嘅功能 (如：独立法律地位，受公司法所保障，以及有限责任风险控制管理的优势等等)。
咁「有限公司」同「无限公司」实际分别喺边度？呢篇文一次过讲清楚。
最核心嘅分别：责任
呢个系两者最大分别。无限公司冇独立法律地位，即系话公司同你本人系同一个法律主体 —— 生意蚀钱、俾人告，债主可以追讨你嘅个人资产，例如物业、存款、投资等等，冇任何屏障保护。有限公司就唔同，股东嘅责任只限于出资额，公司同股东个人财产系分开嘅。
开公司同每年维持嘅成本
无限公司平好多：成立费用大约HK$2,950起，每年维持成本（主要系商业登记续证）大约HK$2,350。有限公司成立费用大约HK$4,795起，每年维持成本（公司秘书、商业登记、周年申报表）大约HK$3,555。两者如果需要租用注册地址，都要另加每年HK$1,150（九龙湾）或HK$1,350（尖沙咀）。
交税税率其实无限公司仲平啲
好多人以为有限公司先至有优惠税率，其实无限公司嘅利得税税率仲低过有限公司：首200万利润，无限公司7.5%，有限公司8.25%；超过200万部分，无限公司15%，有限公司16.5%。
银行开户：无限公司最大嘅麻烦位
呢一点好多人开公司前都无谂过：大部分银行根本唔会帮无限公司开户口。 呢个唔系「等耐啲」嘅问题，而系好多情况下根本开唔到。如果你嘅生意需要收发款项频密，或者要同银行打交道，呢一点要谂清楚先好注册。
核数同公司秘书
有限公司每年必须做核数，亦都必须有公司秘书 —— 依家HK$1,100一年，包埋重要控制人登记册维护。无限公司完全唔使核数，亦都唔使请公司秘书，悭返呢两笔钱，但都要留意，唔使核数唔代表唔使报税、唔使keep好啲会计记录，呢啲责任两者都一样要做。
其实我做小生意都无咩风险...
一般来说，无错的。但其实...
一般做网店等小生意的确不是经常发生面对法律诉讼等的问题。
但其实大部份政府补助或其他资助，无限公司是不能够申请的，又或者批核资助额都不会太多。就例如菜市场的菜档猪肉档大部份都是无限公司。菜市场面临的风险很多时候搭条葱是可以解决的 —— 但唔系每盘生意都系咁。
谂住而家开无限公司，迟啲先转做有限公司？
要留意：香港公司条例并无提供无限公司转做有限公司嘅机制。 想转，就要先注销（大概1-2个月），再重新注册一间新嘅有限公司，成本大约HK$5,000-8,000，仲会失去原本嘅注册日期，同埋可能影响银行关系同合约嘅连续性。如果你估计一两年内都有机会需要转做有限公司，一开始就直接开有限公司，可能比悭返嗰HK$1,845启动成本更划算。
拣边种好？
冇一个答案岩晒所有人 —— 责任风险、资金需要、银行户口要求、私隐考虑，呢啲都会影响边种结构岩你。想睇齐晒两者嘅完整比较，可以参阅 有限公司 vs 无限公司完整比较。准备好注册，可以直接睇 Chinglink 无限公司注册服务。
关注我们 @chinglink.hk 让你低成本创业
